दिवंगत अभिनेता संजीव कुमार आणि ज्येष्ठ अभिनेत्री मौसमी चॅटर्जी या दोघांनी हिंदी चित्रपटसृष्टीत मोठे नाव कमावले आहे. संजीवकुमार नेे या जगाला काही वर्षांपूर्वीच निरोप दिला आहे तर मौसमी चॅटर्जी 73 वर्षांची झाली आहे. हिंदी चित्रपटांबरोबरच मौसमीने बंगाली सिनेमातही आपले अभिनय कौशल्य पसरवले आहे.
मौसमी चॅटर्जीने ‘बालिका वधू’ या चित्रपटातून चित्रपट जगतात पाऊल ठेवले. बंगाली सिनेमा आणि हिंदी सिनेमा या दोन्ही क्षेत्रात तिनेे मोठी छाप पाडली. धर्मेंद्रपासून संजीव कुमारपर्यंत, मौसमीने हिंदी चित्रपटसृष्टीतील बड्या कलाकारांसोबत स्क्रीन शेअर केली आहे. ती ‘अंगूर’ ‘बेरहम’ आणि ‘दासी’ अशा अनेक चित्रपटात दिवंगत अभिनेता संजीवसोबत दिसली होती.
मौसमी चॅटर्जीने संजीवबद्दल खुलासा केला आहे की, तो रोज रात्री तीच्या घरी पोहचत असे आणि जेवण मागत असे. यासोबतच मौसमीने खुलासा केला होता की ती संजीव कुमारला हरिभाई जरीवाला नावाने हाक मारत असे. संजीवचे खरे नाव हरिभाई जेठालाल जरीवाला होते. काही वर्षांपूर्वी, मौसमी चॅटर्जीने एका मुलाखतीत भाग घेतला होता, त्या दरम्यान तिने तिच्या सुवर्ण आठवणी संजीव कुमारसोबत शेअर केल्या होत्या.
मौसमी म्हणाली होती की, “तो पाली हिलमध्ये आमच्या घराजवळ राहायचा. आम्ही खूप चांगले मित्र होतो. तो चांगल्या समजूतदार मनाचा होता. तो मला लहान मुलासारखे मानत असे. मी आणि माझे पती कुठेतरी बाहेर जात असताना अनेक वेळा तो माझ्या घरी येत असे. संजीव विषयी अभिनेत्री पुढे म्हणाली की, “तो आम्हाला बघून म्हणेल ‘तुम्ही लोक जा, फक्त तुमच्या मोलकरीणीला सांगा की माझ्यासाठी काही मांसाहारी बनवा.
घराच्या फ्रिजमध्ये काही मासे आहेत का? एक काळ होता जेव्हा तो रात्री उशिरा घरी यायचा. त्यावेळी माझी दुसरी मुलगी मेघाचा जन्म झाला. त्याच्या या गोष्टींमुळे मी खूप अस्वस्थ झाले होते . मौसमी चॅटर्जीच्या मते, “मी म्हणायचे,‘ ही काही वेळ आहे का? तु इथे जेवायला आलाय का? ड्रायव्हर पाठवा, आम्ही तुम्हाला डब्बा देऊ. ” बाबू (मौसमी चॅटर्जी चा पती ) सुद्धा या गोष्टींमुळे खूप लाजत असे.
त्याचवेळी मौसमीने असेही सांगितले होते की संजीवकुमारला कोणत्या नावाने बोलत असे. अभिनेत्रीने आपल्या एका मुलाखतीत असे म्हटले होते की, “मी एकमेव अभिनेत्री आहे, की जी त्याला जरीवाला नावाने बोलत असे. तसेच तो मला ‘माऊश’ म्हणत असे. ‘जिंदगी’ चित्रपटात मी त्याच्या मुलीची भूमिका केली होती.
उल्लेखनीय म्हणजे, ‘शोले’ चित्रपटात साकारलेल्या ‘ठाकूर’च्या भूमिकेमुळे संजीवकुमारला बरीच लोकप्रियता मिळाली. या ज्येष्ठ अभिनेत्याचे अगदी लहान वयात नि’धन झाले. त्याने 6 नोव्हेंबर 1985 रोजी मुंबईत अखेरचा श्वास घेतला. वयाच्या 47 व्या वर्षी संजीव कुमारचे हृ’दय’वि’काराच्या झट’क्याने निधन झाले.
