भारतीय क्रिकेट संघाचा माजी क्रिकेटपटू हरभजन सिंग आता रुपेरी पडद्यावर पदार्पण करणार आहे. हरभजन सिंगच्या चित्रपटाचे नवीन पोस्टरही रिलीज झाले आहे. शनिवारी हरभजन सिंगच्या 41 व्या वाढदिवसाच्या निमित्ताने त्याचा पहिला डेब्यू फिल्म ‘फ्रेंडशिप’ चे पोस्टर रिलीज केले आहे. पोस्टर पाहूनच असे वाटत आहे की, हा चित्रपट खूपच रंजक ठरणार आहे.
हरभजन सिंगच्या या डेब्यू चित्रपटाचे पोस्टर निर्मात्यांनी त्याच्या वाढदिवशी जाहीर केले आहे. या चित्रपटाचे नवीन पोस्टर रिलीज करण्याबरोबरच निर्मात्यांनी एक रीलिकल व्हिडिओ ही शेअर केला आहे. या चित्रपटात हरभजन सिंगसह एक्शन किंग अर्जुन आणि लोसालिया यांच्या प्रमुख भूमिका आहेत. या पोस्टरमध्ये हरभजन सिंगचा लूक पाहून त्याचे चाहते खूप उत्साही दिसत आहेत.
हरभजन सिंग स्टारर ‘फ्रेंडशिप’ हा चित्रपट तमिळ, तेलगू आणि हिंदी भाषेत प्रदर्शित होईल. चित्रपटाचे दिग्दर्शन जॉन पॉल राज आणि शाम सूर्य यांनी केले आहे. तर किरण रेड्डी मंडाडी या चित्रपटाची निर्माता असून राम माद्दुकुरी या चित्रपटाची सह-निर्मिती आहे. याआधीही हरभजन सिंगने बऱ्याच चित्रपटात गेस्ट अपियारेन्स दिला आहे.
हरभजन सिंगच्या वैयक्तिक आयुष्याबद्दल बोलताना त्याने वर्ष 2015 मध्ये बॉलिवूड अभिनेत्री गीता बसराशी लग्न केले होते. त्यांना एक मुलगी हिनाया देखील आहे. त्याचबरोबर लवकरच गीता तिच्या दुसर्‍या मुलाला जन्म देणार आहे. गीता बसरा बर्‍याचदा आपल्या बेबी बंपसह चित्रे शेअर करत असते. हरभजन सिंग सोबतच तिला बर्‍याच प्रसंगी स्पॉट केले जाते.
