रुपाली गांगुली स्टार टीव्ही शो अनुपमा ही आजकालची सर्वात लोकप्रिय मालिका मानली जाते. परंतु हे नेहमी असे नव्हते. एक वेळ असा होता जेव्हा टीव्ही शो ‘ये है मोहब्बतें’ हा टीआरपीचा झेंडा गाडत होता, आणि या कार्यक्रमाची मुख्य अभिनेत्री दिव्यांका त्रिपाठी दहियालाही घरोघरी लोकप्रियता मिळाली. दिव्यांका ही सध्या केपटाऊनमध्ये असून तिच्या पुढच्या शोची शूटिंग सुरू आहे.
दरम्यान, दिव्यांकाशी संबंधित एक रंजक माहिती समोर आली आहे. मीडिया रिपोर्टनुसार, ‘तारक मेहता का उलटा चश्मा’ या एका टीव्ही कार्यक्रमात दिव्यंका त्रिपाठी दहियाला दयाबेनच्या भूमिकेची ऑफर देण्यात आली होती. तथापि, तिने ही ऑफर नाकारली होती. याबाबत अद्याप दिव्यंका त्रिपाठी दहियाकडून कोणतेही निवेदन आलेले नाही.
या बातम्या अशा वेळी आल्या आहेत की, जेव्हा दिशा वाकाणी शोमध्ये परतण्याबद्दल बर्‍याच गोष्टी सतत बोलल्या जात आहेत. ‘तारक मेहता का उलटा चश्मा’ मधील दिशा वाकाणीची व्यक्तिरेखा शोमधील एक यशस्वी आणि प्रसिद्ध पात्रांपैकी एक आहे. दिशा वाकानी शोमध्ये दयाबेनची व्यक्तिरेखा साकारत आहे.
दिव्यांका त्रिपाठींबद्दल बोलताना, सध्या ती आगामी रिअल्टी टीव्ही शो खतरों के खिलाडी सीझन 11 (खतरों के खिलाडी 11) च्या शूटिंगमध्ये व्यस्त आहे. शोमध्ये दिव्यंका कशी कामगिरी करेल हेे वेळोवेळी स्पष्ट होईल, पण तिच्या या शोमध्ये येताच या शोची मागणी आणि लोकप्रियता दोन्हीमध्येही वाढ झाली आहे.
