बॉलिवूडची सुंदर अभिनेत्री यामी गौतम हिने नुकताच चित्रपट निर्माता आदित्य धरसोबत लग्न केले आहे. लग्नानंतर सतत चर्चेत राहिलेल्या यामी गौतमला आणखी एक चांगली बातमी मिळाली आहे. इंडस्ट्रीचे दिग्गज अभिनेता अक्षय कुमार आणि पंकज त्रिपाठी यांच्यासमवेत तिला ‘ओह माय गॉड 2’ या चित्रपटात कास्ट करण्यात आल्याची बातमी येत आहे.
हा चित्रपट 2012 मध्ये रिलीज झालेल्या ओह माय गॉड या चित्रपटाचा सिक्वल आहे. 2012 मध्ये प्रदर्शित झालेल्या या चित्रपटापेक्षा ह्या चित्रपटाची कहाणी पूर्णपणे वेगळी आहे. 2012 मध्ये प्रदर्शित झालेल्या ओह माय गॉड या चित्रपटात अक्षय कुमार आणि परेश रावल महत्त्वपूर्ण भूमिकेत होते. या चित्रपटात अक्षय कुमारने देवाची भूमिका साकारली होती, तर परेश रावल एका सामान्य माणसाच्या भूमिकेत दिसला होता.
यामी गौतम, अक्षय कुमार आणि पंकज त्रिपाठी यांच्या ‘ओह माय गॉड 2’ या चित्रपटाचे दिग्दर्शन अमित राय करणार आहे. अमित रायने यापूर्वी ‘रोड टू संगम’ या चित्रपटाचे दिग्दर्शन केले आहे. याशिवाय त्याने सॅनिटरी पॅडवर ‘आय पॅड’ हा लघुपटही दिग्दर्शित केला आहे. प्रेक्षक या चित्रपटाची आतुरतेने वाट पाहत आहेत. यामी गौतम आणि खिलाडी कुमार पहिल्यांदाच पडद्यावर एकत्र दिसणार आहेत. सन 2012 मध्ये रिलीज झालेल्या ‘ओह माय गॉड’ चित्रपटाला प्रेक्षकांनी खूप पसंती दिली होती.
या चित्रपटाला ‘गो गो गोविंदा’ गाण्यातील हिट डान्स नंबरही होता. या गाण्यावर सोनाक्षी सिन्हा आणि प्रभुदेवा यांनी एकत्र सादर केले आहे. वृत्तानुसार, “या चित्रपटासंदर्भात पंकज त्रिपाठी याच्याशी चर्चा झाली आहे आणि सर्वकाही निश्चित केले गेले आहे.” चित्रपटाचे शूटिंग सप्टेंबर महिन्यापासून सुरू होईल. सूत्रांच्या माहितीनुसार चित्रपटाचे प्री-प्रॉडक्शन काम सुरू झाले आहे.
